Tamar Beraia

Den tysk-sveitsiske pianisten Tamar Beraia har eit slåande pianospel som er prega av styrke og modenheit, musikalitet og virtuositet. På dei to soloinnspelingane Portrait (EaSonus, 2014) og Beethoven-Liszt (Avi-music, 2018) kan ein høyre høgdepunkt i karrieren hennar, som Schumanns Karneval, Beethovens Variasjonar og fuge i Ess-dur  og Liszts Sonate i b-moll.

Tamar Beraias intense konsertkarriere består særleg av solistoppdrag i samarbeid med orkester. Dei siste åra har ho opptredd i Austerrike, Danmark, Georgia, Tyskland (Konzerthaus Berlin), Frankrike, Irland, Luxembourg (Philharmonie Luxembourg), Nederland, Polen, Spania, USA, Sveits, Storbritannia (London Wigmore Hall) og Ukraina (National Philharmonic of Ukraine).

Tamar Beraia har vunne prestisjefylte konkurransar og spesielle prisar både i Spania, Tyskland og Georgia. I 2014 vart ho utvald av kulturavdelinga i det multinasjonale konsernet Bayer som ein lovande ung artist, og frå 2015 til 2018 hadde ho stipend frå konsernet sitt stART-program.

I juni 2021 overtok ho soloparten for piano i danseprosjektet Piano Chapters ved Stadttheater Bern, eit prosjekt som er drive av kjende koreografar.

Tamar har ein mastergrad i solo framføring frå Lucerne School of Music (Switzerland), der ho studerte med professor Ivan Klánský.

Tamar Beraia vart fødd i Tbilisi, Georgia. Då ho var fem, fekk ho dei første pianotimane av mor si. Seinare fekk ho undervisning på ein musikkskule for gåverike barn. Alt då ho var barn, vann Tamar Beraia prisar i internasjonale  pianokonkurransar i Litauen og Russland. Ho fekk også stipend frå Mikael Tariverdiev Foundation og pianist Elisabeth Leonskaja.

Tamar Beraia har spelt firhendig med syster si. Dei har òg eit repertoar for to piano. Beraia bur i Bern i Sveits.