Benedict Klöckner

Benedict Klöckner, fødd i 1989, er ein av dei framståande artistane i sin generasjon. Han har vunne ei mengd konkurransar og prisar, den siste så langt OPUS Klassik 2021. Han opptrer som solist med kjende orkester over heile verda og samarbeider med kjende dirigentar. På turneane har han opptredd i konserthus både i Europa, USA og Asia.

Klöckner har gått i lære hjå meistrar som Daniel Barenboim og sir Simon Rattle. Han er ein ivrig kammermusikar og opptrer med artistar som sir András Schiff, Anne Sophie Mutter, Gidon Kremer, Christoph Eschenbach, Antoine Tamestit, Emmanuel Ax, Fazil Say, Lisa Batiashvili, Yuri Bashmet, Benjamin Grosvenor, Lars Vogt og Christian Tetzlaff.

Elles samarbeider Benedict Klöckner jamleg med store samtidige komponistar. I 2018 var han solist i urpremieren på Wolfgang Rihms dobbelkonsert for to celloar og strykarar. Ved Seoul Arts Center framførte Klöckner for første gong Eun Hwa Chos cellokonsert saman med Korean Chamber Orchestra under leiing av Christoph Poppen. Med Mozarteum Orchestra Salzburg under Peter Tilling framførte han den austerrikske premieren på Dai Fujikuras cellokonsert i Salzburg.

I 2020 hadde han urframføring av sju verk som Howard Blake, Elena Kats Chernin, José Elizondo, Dai Fujikura, Geoffrey Gordon, Bongani Ndodana-Breen og Eric Tanguy hadde laga til han. Ein urpremiere på ein ny cellokonsert av Bongani Ndodana-Breen med Johannesburg Philharmonic Orchestra er planlagd i 2022.

Klöckners CD-innspelingar har fått svært gode kritikkar i internasjonal presse og er nominerte blant anna til German Record Critics' Award. Han har gjort innspelingane med artistar som Gidon Kremer, dirigentane Heinrich Schiff og Michael Sanderling, pianistane Danae Dörken, Anna Fedorova, Yu Kosuge og José Gallardo, og med komponistane Wolfgang Rihm og Howard Blake. 

I oktober 2021 gav Brilliant classics ut innspelinga hans av Bachs suitar for cello. Klöckners siste innspelingar av Wolfgang Rihm, Über die Linie, vart utgitt sommaren 2020 og vann Piccicato Supersonic Award.

I 2014 stifta Benedict Klöckner International Music Festival Koblenz, der han seinare har vore kunstnarleg leiar. Der har han hatt konsertar med artistar som Vilde Frang, Benjamin Grosvenor, Boris Giltburg og med orkester som kammerorkester frå Georgia og München.

Benedict Klöckner studerte med Martin Ostertag, og med Frans Helmerson og Gary Hoffman som ung solist ved Kronberg Academy Masters, der han hadde Angela Winkler-stipend frå 2009 til 2017.

Klöckner spelar på ein italiensk cello laga av Francesco Rugeri (Cremona, 1690), tidlegare brukt av Maurice Gendron, med ein boge av Etienne Pajeot (Mirecourt, 1820).